Бишкекте Энвер Гареев атындагы Ботаникалык бакчанын гүл жана декоративдүү өсүмдүктөр лабораториясында жоогазын фестивалы өттү. Фестиваль бул гүлдү өлкөбүзгө жайылтуу жана коргоо максатында өткөрүлүүдө.
Улуттук илимдер академиясы белгилегендей, бул Кыргызстандын табигый флорасы тууралуу экологиялык-билим берүү майрамы болуп эсептелет.
Конокторго Кызыл китепке кирген уникалдуу эндемик-жоогазындары, ботаникалык бактын жоогазын коллекциясы жөнүндө анын кызматкерлери жана окумуштуулары айтып беришти.
Бул фестивалга Кыргыз мамлекеттик
С.А Чуйков атындагы көркөм сүрөт окуу жайынын мугалимдери жана студенттери да активдүү катышышты.
Улуттук жана экологиялык стилдеги буюмдардын ар кандай көркөм жана сувенирдик көргөзмөсү уюштурулуп, мастер-класстар көрсөтүлдү.
